काठमाडौं ५ माघ । ललितपुरका विभिन्न ठाउँमा आज पनि बिजुली नआउने भएको छ । मर्मत सम्भारलगायतका काम गर्नुपर्ने भएकाले ललितपुरका विभिन्न ठाउँमा आज बिजुली कटौती हुने विद्युत प्राधिकरणले जनाएको छ ।
प्राधिकरणका अनुसार पुल्चोक वितरण केन्द्रको यूएन पार्क फिडर अन्तर्गत पर्ने शङ्खमूल टाउन प्लानिङ क्षेत्रमा भूमिगत प्रसारण लाइनको काम गर्नुपर्ने भएकाले बिहान ११ बजेदेखि दुई बजेसम्म बिजुली कटौती हुनेछ । हिजो पनि झण्डै ६ घण्टा ललितपुरका विभिन्न ठाउँमा बिजुली कटौती भएको थियो ।
प्रतिक्रिया दिनुहोस्