काठमाडौं २ चैत । नेकपा एकीकृत समाजवादी० ले सुशासन, रोजगारीलगायत विषय केन्द्रित देशव्यापी समाजवादी अभियान शुरू गरेको छ ।
आउँदो वैशाख २२ गतेसम्म सञ्चालन हुने अभियानमा विभिन्न क्षेत्रका सङ्घ–सङ्गठन तथा व्यक्तिहरूसँग वडा, गाउँ, प्रदेश र केन्द्रस्तरमा छलफल गरिने केन्द्रीय प्रचार विभाग प्रमुख प्रकाश ज्वालाले बताउनुभयो ।
अभियानका क्रममा शिक्षा, स्वास्थ्य, पर्यटन तथा पूर्वाधारलगायत क्षेत्रमा विज्ञहरूबाट सुझाव सङ्कलन गरिने छ । केन्द्रीय प्रचार विभाग प्रमुख ज्वालाले नागरिकका विकासका चाहना पूरा नभएका बेला उनीहरूका असन्तुष्टि सम्बोधन गर्न तथा देशको वर्तमान अवस्थाबारे उनीहरूलाई जानकारी गराउन अभियान उपयोगी हुने विश्वास व्यक्त गर्नुभयो ।
प्रतिक्रिया दिनुहोस्