काठमाडौं ५ चैत, । परराष्ट्रमन्त्री डा आरजु राणा देउवाले भारतीय विदेशमन्त्री एस जयशंकरसँग भेटवार्ता गरेकी छिन् ।

नयाँदिल्लीमा भारतीय विदेश मन्त्रालयद्वारा आयोजित ‘राइसिना डायलग’ को क्रममा परराष्ट्रमन्त्री राणासँग विदेशमन्त्री जयशंकरको भेटवार्ता भएको हो ।

भेटवार्ता उपलब्धिमूलक भएको राणाले बताएकी छिन् । भेटको क्रममा भारतसँगको सम्बन्धलाई नेपालले निरन्तर प्राथमिकतामा राखेको कुरा विदेशमन्त्री जयशंकरसँग राखेको राणाले बताएकी छिन् ।

सोही कार्यक्रममा उपस्थित भारतीय प्रधानमन्त्री नरेन्द्र मोदीले भने एकहप्तासम्मको राणाको प्रयासका बावजुद पनि भेट्न अस्वीकार गरेको दिल्लीबाट प्राप्त समाचारमा जनाइएको छ । राणा परराष्ट्रमन्त्री बने लगत्तै दिल्लीले उनलाई निम्ताएर प्रधानमन्त्री सरहको रातो कार्पेट विच्छाए पनि दोस्रा पटक राणा दिल्ली जाँदा कोही पनि भारतीय अधिकारीले उनलाई भेटेनन् । यसपटक ९ दिनसम्म दिल्ली बसेर राणाले कोशिश गरेपनि प्रधानमन्त्री मोदी र एनएसए डोभालले उनलाई भेट्न तयार भएनन् । समाचार स्रोतले जनाए अनुसार दिल्लीले दिएको समयसीमाभित्र देउवापत्नीहरुले बचन पालना नगरेका कारण भारत रिसाएको छ । दिल्लीले के भनेको थियो र उनीहरुले त्यो किन पूरा गरेनन् भन्ने बारेमा विभिन्न अड्कालबाजी गरिए पनि स्पष्ट हुन सकेको छैन ।