इटहरी, ८ चैत । प्रदेश नं. १ का सामाजिक विकासमन्त्री जीवन घिमिरेले जानकारीको अभावमा राज्यद्वारा उपलब्ध गराउँदै आएको शिक्षा र स्वास्थ्यसम्बन्धी सुविधामा आम नागरिकको सहज पहुँच नभएकाले यसतर्फ प्रदेश सरकार गम्भीर भएको बताउनुभएको छ ।

सो मन्त्रालयद्वारा आज इटहरीमा आयोजित स्थानीय तहका प्रमुख र उपप्रमुखसँग अन्तक्र्रिया कार्यक्रममा उहाँले भन्नुभयो – “आम नेपालीको शिक्षा र स्वास्थ्यप्रतिको चाहनालाई पूरा गर्न प्रदेश सरकार पूर्ण प्रतिवद्ध छ ।”

कार्यक्रममा इटहरी उपमहानगरपालिकाका प्रमुख द्वारिकलाल चौधरीले समाज परिवर्तनको पहिलो प्राथमिकता भनेको नै शिक्षा र स्वास्थ्य भएकाले यसको विकास तथा विस्तारका लागि प्रदेश सरकारले ठोस नीति, योजना र कार्यक्रम ल्याउनुपर्नेमा जोड दिनुभयो ।

बनाउनसक्यो भने त्यसलाई स्थानीय तहले कार्यान्वयनमा ल्याई समाज परिवर्तनमा महत्वपूर्ण योगदान दिने बताउनुभयो ।