काठमाडौं २७ जेठ । युरोपेली सानो र सुन्दर देश अस्ट्रियाको दोस्रो ठूलो शहर ग्राजमा मंगलबार बिहान एक हाई स्कूलमा भएको गोलीबारीमा आठ जनाको मृत्यु भएको छ। त्यहाँको आन्तरिक मन्त्रालयले पुष्टि गरे अनुसार मृतकहरूमा १४ देखि १८ वर्ष उमेर समूहका किशोरकिशोरीहरू रहेका छन् ।

प्रहरीका अनुसार, बिहान १० बजे (नेपाली समय अनुसार १ः४५ बजे) ग्राजको उत्तर–पश्चिममा रहेको बन्डेसोबरस्टुफेनरियलजिम्नासियम ड्राइयरस्युट्जेनगासे स्कूलमा ूधेरैू गोली चलेको रिपोर्ट प्राप्त भएको थियो। घटनास्थलमा तुरुन्तै प्रहरी टोली, विशेषज्ञ कोब्रा ट्याक्टिकल फोर्स, र हेलिकप्टर परिचालन गरिएको अन्तराष्ट्रिय सन्चार माध्यमहरुले जनाएका छन् । प्रहरीले स्कूल खाली गराएको र क्षेत्र सुरक्षित गराएको बताएको छ ।

अस्ट्रियाली चान्सलर क्रिस्टियन स्टकरले यो घटनालाई ‘राष्ट्रिय त्रासदी’ को संज्ञा दिँदै सामाजिक सन्जाललमो लेखको छन्ः ‘ग्राजको स्कूलमा भएको यो हत्याकाण्डले हाम्रो सम्पूर्ण देशलाई गहिरो रूपमा हल्लाएको छ। यो अकल्पनीय कार्यले युवाहरूलाई उनीहरूको बाँकी जीवनबाट अचानक चुँडायो।’ उनले थपे, ‘यो पीडा र शोकका लागि कुनै शब्द छैन।’

आन्तरिक मन्त्रालय र प्रहरीका अनुसार, हमलाकारी पनि मृत अवस्थामा भेटिएको छ । प्रारम्भिक अनुसन्धानले हमलाकारीले आत्महत्या गरेको हुन सक्ने संकेत बताइएको छ। हमलाकारीको पहिचान र घटनाको कारणबारे थप विवरण अझै खुल्न बाँकी छ।

अस्ट्रियामा बन्दुक हिंसा
अस्ट्रियामा बन्दुक हिंसा मध्य युरोपका धेरैजसो देशहरूमा जस्तै दुर्लभ छ। इन्स्टिच्युट फर हेल्थ मेट्रिक्स एन्ड इभालुएसनका अनुसार, सन् २०२१ मा अस्ट्रियाको बन्दुक हत्याको दर प्रति एक लाख जनसंख्यामा ०.१ थियो, उता संयुक्त राज्य अमेरिकामा यो दर ४.५ छ । स्विट्जरल्यान्डस्थित स्मल आर्म्स सर्भेका अनुसार, अस्ट्रियामा प्रति १०० नागरिकमा ३० जनाले बन्दुक राख्ने गरेको बताएको छ । यो संख्या युरोपेली संघका धेरै देशहरूमा भन्दा यो उच्च दर हो।

विगतका घटनाहरू
पछिल्ला वर्षहरूमा अस्ट्रियामा केही चर्चित हिंसात्मक घटनाहरू भएका छन्। गत अक्टोबरमा उत्तरी अस्ट्रियाको एक सहरका मेयर र अर्का एक व्यक्तिको गोली हानी हत्या भएको थियो। फेब्रुअरीमा, २३ वर्षीय एक व्यक्तिले दक्षिणी अस्ट्रियामा पाँच जना राहगीरहरूमाथि चक्कु प्रहार गरेका थिए ।।