काठमाडौ १३ असार । टर्कीको पश्चिमी इज्मिर प्रान्तको जङ्गलमा लागेको डढेलो नियन्त्रणमा आउन सकेको छैन । बुधबार दिउँसोदेखि सुरु भएको डढेलो आलियागा र फोका जिल्लाको बिचको जङ्गल क्षेत्रमा तीव्र हावा चल्दा तीव्र गतिमा फैलिएको हो ।
आगलागी लाग्नुका कारण अज्ञात रहेको बताइएको छ । आगलागी नियन्त्रण प्रयासमा आठ विमान, १६ हेलिकोप्टर, ७१ पानी ट्रक, ४४ पानी ट्याङ्कर, ३३ बुलडोजर र ६२५ कर्मचारी परिचालन गरिएको स्थानीय अधिकारीहरूले बताएका छन् ।
इज्मिर प्रान्तीय गभर्नर सुलेमान एल्बानले १७५ इलिपिनार छिमेकी घरहरू खाली गराइएको छ भने ५५० जनाभन्दा बढी बासिन्दालाई स्थानान्तरण गरिएको बताउनुभयो । सिन्ह्वारन्यूज एजेन्सी नेपाल
प्रतिक्रिया दिनुहोस्