काठमाडौ १७ असार । संघीय निजामती ऐनको ‘कुलिङ पिरियड’ सम्बन्धी चलिरहेको बहसमा सभामुख देवराज घिमिरेले अहिले चर्चामा आएको त्रुटि राष्ट्रियसभाबाट सच्याइने बताएका छन् ।
सिंहदरबारस्थित आफ्नै कार्यकक्षमा संसदीय मामिलाका पत्रकारहरूसँग कुरा गर्दै सभामुख घिमिरेले भने, ‘समितिबाट जे प्रस्ताव आयो, त्यही पारित भएको हो । सदनले त्यसमा केही थपघट गरेर पास गरेको होइन ।’
समितिमा भएको छलफलको नियत एउटा भए पनि परिणाम अर्कै देखिएको भन्दै समितिकै सदस्यहरूले गुनासो गरेको सभामुखले बताए । उनले भने, ‘यस विषयमा छानबिन हुनुपर्छ ।’
यो घटनाले हरेक विधेयकको जवाफदेहिताको जिम्मेवारी सम्बन्धित समितिकै हुने स्पष्ट उदाहरण प्रस्तुत गरेको सभामुख घिमिरेको भनाइ थियो ।
प्रतिक्रिया दिनुहोस्