काठमाठौ २७ असार । कर्णाली प्रदेश सरकारले चालुु आर्थिक वर्ष २०८१र८२ मा विनियोजित बजेटको ६४।८२ प्रतिशतमात्रै खर्च गरेको छ। चालु आर्थिक वर्षमा प्रदेश सरकारले ३१ अर्ब ४१ करोड ४१ हजारको बजेट ल्याएको थियो। यसमध्ये २० अर्ब ३५ करोड ९५ लाख ८९ हजार अर्थात् ६४।८२ प्रतिशतमात्रै खर्च भएको हो। यस वर्ष प्रदेश सरकारले खर्च गर्न नसकेका कारण ११ अर्ब ५ करोड ४ लाख ५१ हजार रकम फ्रिज गएको छ।

प्रदेश लेखा नियन्त्रक रत्नप्रसाद सुुवेदीले सरकारले चालुतर्फ ९ अर्ब ३४ करोड ५० लाख ४८ अर्थात् ७५।५२ प्रतिशत बजेट खर्च गरेको जानकारी दिए। उनकाअनुसार पुँजीगततर्फ ११ अर्ब १ करोड ४५ लाख ४० हजार अर्थात् ५८।६३ प्रतिशत खर्च भएको छ।

कर्णालीमा हरेक वर्ष अध्ययनबिना बजेट विनियोजन गर्ने चलनले पनि पुँजीगततर्फको विकास बजेट खर्च हुन नसकेको सरोकारवालाहरुको भनाइ छ। प्रदेश सरकार गठन भएको ८ बर्ष बितिसकेको छ। तर, कर्णालीमा विगत ८ वटै आर्थिक बर्षको बजेट कार्यान्वयनको अवस्था कमजोर छ। आर्थिक वर्ष २०७४र०७५ देखि गत आर्थिक वर्ष २०८०र०८१ सम्मको बजेट कार्यान्वयनको अवस्था कमजोर देखिएको हो।

कुन मन्त्रालयको कतिररु
प्रदेश लेखा नियन्त्रकको कार्यालयका अनुसार मन्त्रालय अन्तर्गत छुट्याइएको कुल बजेटमा भौतिक पूर्वाधार तथा सहरी विकास मन्त्रालयले ५७।४१ प्रतिशत मात्रै खर्च गरेको छ। यस मन्त्रालयमा चालु आर्थिक वर्षका लागि १० अर्ब ४६ करोड बजेट थियो।

यस्तै, जलस्रोत तथा ऊर्जा मन्त्रालयले ७९।५४ प्रतिशत विकास खर्च गरेको छ। कर्णाली प्रदेशका अन्य मन्त्रालयहरु भन्दा केही हदसम्म यस मन्त्रालयले विकासमा सुधार ल्याएको देखिन्छ। आर्थिक वर्ष २०८१र०८२ लागि दुई अर्ब ८६ करोड बजेट थियो।