काठमाडौ ३० असार । अमेरिकी राष्ट्रपति डोनाल्ड ट्रम्पले युक्रेनलाई अत्यावश्यक ९पैट्रियट० विशेष हवाई रक्षा प्रणाली पठाउने घोषणा गर्नुभएको अलजजिराले जनाएको छ । कति सङ्ख्यामा पैट्रियट ब्याट्री पठाइने भन्नेबारे अन्तिम निर्णय भने भएको छैन ।

पछिल्लो समय रुसी राष्ट्रपति पुटिनले युद्ध अन्त्यका लागि वार्ता गर्न अस्वीकार गर्दै आएकोप्रति ट्रम्प प्रशासन निराश देखिएको खबरमा उल्लेख छ ।

पुटिनले धेरैलाई अचम्ममा पारेको बताउँदै राष्ट्रपति ट्रम्पले दिनभर राम्रो कुरा गर्ने तर साँझ परेपछि सबैलाई बम आक्रमण गर्ने गरेको आरोप लगाउनुभएको छ ।

गएको हप्ता ट्रम्पले युरोपका नेटो साझेदारहरूलाई युक्रेनलाई हस्तान्तरण गर्न अमेरिकी हतियार बेच्ने निर्णय सार्वजनिक गर्नुभएको थियो । त्यसैको निरन्तरता स्वरूप युक्रेनलाई प्रतिरक्षा प्रणाली उपलब्ध गराउने निर्णय आएको हो ।

ट्रम्पले यसै हप्ताको अन्त्यतिर नेटोका महासचिव मार्क रुटेसँग वाशिङ्गटन डीसीमा भेटवार्ता गर्ने तयारी गर्नुभएको छ । भेटवार्तामा युक्रेनलाई हतियार आपूर्ति गर्ने विषय प्रमुख एजेन्डा रहने खबरहरूमा उल्लेख छ ।