काठमाडौं, ७ भदौ । साफ १७ वर्षमूनीको महिला च्याम्पियनसिपमा नेपालले भूटानलाई २–१ गोलले हराएको छ । भूटानको थिम्पुमा हिजो भएको खेलमा भुटानले पहिलो हाफमा अग्रता बनाए पनि नेपालले दोस्रो हाफमा दुई गोल गर्यो ।
घरेलु टोलीले खेलको ४२औं मिनेटमा गोल गरेको थियो । त्यसपछि नेपालले खेलको ५८औं मिनेटमा बराबरी गोल र ७६औँ मिनेटमा थप गोल गर्यो । नेपालका लागि दुवै गोल साहारा लिम्बुले गरिन् ।
दोस्रो खेलमा नेपालको यो पहिलो जीत हो । यसअघि नेपाल पहिलो खेलमा भारतसँग ७–० गालले हारेको थियो । अब नेपालले भोलि आइतवार बङ्गलादेशसँग खेल्नेछ । यो प्रतियोगितामा नेपाल, भूटान, भारत र बङ्गलादेश सहभागी छन् ।
डबल राउन्ड रोबिन लिगका आधारमा चलिरहेको प्रतियोगितामा लिग चरणपछि शीर्ष स्थानमा रहने टोली विजेता बन्नेछ । नेपालले भदौ ११ गते सोमवार बङ्गलादेशसँग, भदौ १३ गते भारतसँग र भदौ १५ गते भूटानसँग खेल्ने छ ।
प्रतिक्रिया दिनुहोस्