काठमाडौं, २३ चैत । काठमाडौं टोखा नगरपालिका–९, मिलन टोलमा रहेको भुमेश्वरी गेष्ट हाउसमा शुक्रबार बिहान युवती मृत भेटिएकी छिन् ।

नयाँ बर्सपार्कस्थित गेस्ट हाउसको कोठा नं. २०३ मा भेटिएको युवतीको शवको अवस्था हेर्दा हत्या भएको हुनसक्ने प्रहरीको अनुमान छ ।

हातखुट्टा र घाँटी बाँधिएको अवस्थामा शव भेटिएको प्रहरीले जनाएको छ। युवतीको बलात्कारपछि हत्या गरिएको हुन सक्ने प्रहरीको आशंका छ । उनी
बिहीबार राति एक युवकसँग गेस्ट हाउस पुगेकी थिइन्। शुक्रबार बिहान बाहिरबाट ताल्चा लगाएर युवक भागेका थिए।

गेष्ट हाउसका सञ्चालक बिल लिएर कोठामा जाँदा उनी मृत अवस्था भेटिएकी हुन् ।

उनी संग जाने युवकले विकास वली भनी नाम, थर टिपाएका छन् । फरार युवकको खोजी भईरहेका प्रहरीले जनाएको छ। टिपाएको नाम साँचो वा फेक हो भनेर महानगरीय अपराध महाशाखाले समेत घटनाको अनुसन्धान थालेको छ।

मृतक युवतीको सनाखत नभएको महानगरीय प्रहरी वृत्त महाराजगञ्जका इन्सपेक्टर दिनेश भण्डारीले बताए।