काठमाडौं, २९ वैशाख । राष्ट्रिय प्रजातन्त्र पार्टी संसदीय दलका नेता ज्ञानेन्द्र शाहीले सरकार र प्रधानमन्त्रीमाथि कडा प्रश्न तेर्स्याएका छन् । उनले राज्यको असंवेदनशीलताको पनि असफलता भएको बताउँदै राज्य र नागरिकको आत्मसम्मानपूर्वक बाँच्ने अधिकार खोसिएको बताए ।

‘हामी अङ्ग्रेजी बोल्न जान्दैनौँ, दुर्गम क्षेत्रबाट आएका हौँ । ग्रामीण सङ्घर्षबाट आएका हौँ । त्यो सङ्घर्षको एउटा हाँसो हुन्छ । राज्य जहिले पनि शक्तिशालीको पक्षमा उभिने होइन । प्रधानमन्त्रीलाई राम्रोसँग थाहा छ सुत्केरीको व्यथा के हो भनेर । बागमतीको किनारकी १० दिनकी सुत्केरीकी आमाको ओतभित्र प्रहरी पस्दा र घर भत्किँदा कस्तो भयो होला रु’ उनले भने ।

उनले आफू अव्यवस्थित बस्ती जोगाउनुपर्छ भन्ने पक्षमा नरहेको तर मानवीय संवेदनामा डोजर चलाउन नहुने बताए । ‘व्यवस्थित बस्ती जोगाउनुपर्छ भन्ने पक्षमा पटक्कै छैन । म सरकारका मन्त्रीहरूलाई भन्छु । तपाईँहरू बस्दै गरेको घर २४ घण्टामा खाली गर्न सक्नुहुन्छ रु मानवीय संवेदनामाथि डोजर चलाएर विकास हुँदैन ।’

उनले मन्त्रिपरिषदका सदस्यसमेत हुकुमबासी भएको प्रमाण बाहिरिएको भन्दै त्यसको छानबिन किन नभएको भन्दै प्रश्न पनि गरे ।