काठमाडौं, २६ चैत । हिन्दु धर्मगुरु आचार्य श्रीनिवासमाथि गोली प्रहारका दोषिलाई तत्काल कारबाही गर्न माग गर्दे विभिन्न हिन्दुवादी संघ–संस्थाले काठमाडौमा विरोध प्रर्दशन गरेका छन् ।

सोमबार काठमाडौको माईतिघरमा प्रर्दशन गर्दे उनीहरुले तत्काल दोषीलाई कारवाहीको दायरामा ल्याइ सार्वजनिक गर्नुपर्ने जनाएका हुन् । सनातन हिन्दुबादीहरुको आक्रमण रोक्नुपर्ने , गौहत्या रोक्नुपर्ने भन्दै उनीहरुले नारावाजी गरेका थिए ।

प्रर्दशनमा सहभागीहरुले आचार्य श्रीनिवासमाथि भएको घटनाको सत्यतथ्य जाचवुझ गर्दे प्रतिवेदन सार्वजनिक गर्न पनि माग गरेका छन् । श्रीमद भागवत सप्ताहमा सहभागी हुन विराटनगरको जतुवा पुग्नुभएका श्रीनिवासमाथि शनिबार गोलि प्रहार भएको थियो ।

प्रहरीले घटनामा संलग्न भएको हुनसक्ने आशंकामा दुई जनालाई पक्राउ गरि अनुसन्धान अघि बढाएको छ ।