काठमाडौ ,असार १८ गते । पूर्व प्रधानमन्त्री डा.बाबुराम भट्टराईले नेपालको विदेश नीति लालीगुराँसका रुपमा अघि बढ्नुपर्ने बताएका छन । एबीसी टेलिभिजनको कार्यक्रम एवीसी वाचमा उनले यस्तो बताएका हुन । कार्यक्रममा उनले भने नेपालको विदेश नीति दुई ढुंगाविचको तरुल नभएर दुई ढुंगाविचको लालीगुराँसको रुपमा अगाडी बढाउनुपर्ने उनले बताए । नेपालको अस्तित्व रक्षाको लागि लालीगुराँस पुर्ण रुपमा फुल्ने बेला भएको हुदा आजको आवश्यकता रहेको बताएका छन । १८ औँ शताब्दीको मध्यमा नेपालको एकीकरणका नायक राजा पृथ्वीनारायण शाहले दिव्य उपदेशमा नेपाललाई दुई ढुंगाबिचको तरुलको संज्ञा दिएका थिए । भट्टराईले ढुंगा चीन र भारतको बिम्ब अझ बढी सान्दर्भिक भएको स्वीकार गरेका छन । तर आजको आधुनिक, गणतान्त्रिक र सचेत नेपाललाई तरुल भन्नु न्याय संगत नहुने उनको भनाई छ । आजको नेपाललाई तरुलभन्दा पनि लालीगुँरास फुलको बिम्ब बढी उपयुत्त हुने उनले बताए । नेपालको वैदेशिक सम्बन्ध सञ्चालनका लागि भट्टराईले नयाँ रणनीतिक दृष्टिकोणका लागि तीनवटा प्रस्ताव पेस गरेका छन् । उनले व्यावहारिक आदर्शवाद, दुई देशबिच गतिशील पुल र नेपाललाई शान्तिराष्ट्रको प्रस्ताव गरेका छन ।