विराटनगर, २९ चैत । प्रदेश नं. १ को सरकारले सार्वजनिक विदा कटौतीबारे केन्द्रिय सरकारले गरेको निर्णयलाई उल्ट्याइदिएको छ । छठ पर्व र जनैपूर्णिमाको दिनमा बिदा दिने प्रदेश १ सरकारले निर्णय गरेको हो ।
बिहीबार बसेको मन्त्रिपरिषद्को बैठकले आदिवासी जनजाति दिवस र जनैपूर्णिमामा पनि विदा दिने निर्णय गरेको हो ।
यसैगरी प्रदेश सरकारले छठ पर्वका दिन पनि प्रदेशभरि बिदा दिने निर्णय गरेको प्रदेश सरकारका प्रवक्ता तथा आन्तरिक मामिला तथा योजनामन्त्री हिक्मत कार्कीले जानकारी दिए।
यसअघि सार्वजनिक बिदा कटौती गर्दै केन्द्रिय सरकारले छठ मनाउने जिल्लाहरूमा मात्रै बिदा दिने निर्णय गरेको थियो।
प्रतिक्रिया दिनुहोस्