काठमाडौं । नेपाली बजारमा शुक्रबार सुनको मूल्यमा सामान्य वृद्धि भएको छ।
नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला ९ सय रुपैयाँले बढेको हो। बिहीबार प्रतितोला २ लाख ९६ हजार रुपैयाँमा कारोबार भएको सुन आज २ लाख ९६ हजार ९ सय रुपैयाँमा कारोबार भइरहेको महासंघले जनाएको छ।
त्यस्तै, चाँदीको मूल्यमा पनि सामान्य वृद्धि भएको छ। आज चाँदी प्रतितोला १० रुपैयाँले बढेर ४ हजार ५८० रुपैयाँ पुगेको छ। बिहीबार चाँदी प्रतितोला ४ हजार ५७० रुपैयाँमा कारोबार भएको थियो।
अन्तर्राष्ट्रिय बजारमा बहुमूल्य धातुको मूल्यमा देखिएको उतारचढाव र विनिमय दरको प्रभावअनुसार नेपाली बजारमा पनि दैनिक रूपमा सुन–चाँदीको मूल्य समायोजन हुने गरेको छ।
Originally published on abcnews.com.np.
प्रतिक्रिया दिनुहोस्