काठमाडौं । नेपाली कांग्रेसका नेता कृष्णप्रसाद सिटौलाले पार्टीभित्र आपसी आत्मीयता, सम्मान र सद्भाव कायम भए मात्रै संगठन बलियो बन्ने बताएका छन् ।
आइतबार झापामा पार्टीका नेता तथा कार्यकर्तासँगको भेटघाटका क्रममा सिटौलाले आपसी एकता, सद्भाव, भाइचारा र मेलमिलापबाट मात्रै पार्टी संगठनलाई मजबुत बनाउन सकिने बताए ।
उनले पार्टीभित्र देखिएको आन्तरिक विवादका विषयमा सर्वोच्च अदालतले पुनरवलोकन गरेपछि ‘पीडित’ पक्षले न्याय पाउने विश्वाससमेत व्यक्त गरे ।
सिटौलाले पार्टीलाई बलियो बनाउन नेता–कार्यकर्ताबीच एकता र सहकार्य आवश्यक रहेकोमा जोड दिएका छन् ।
Originally published on abcnews.com.np.
प्रतिक्रिया दिनुहोस्