सुनसरी । रसुवा तथा आसपासका क्षेत्रमा रोजगारी, व्यापार तथा अन्य कामका सिलसिलामा रहेका सुनसरीका १५ जना भोटेकोशी बाढीपछि सम्पर्कविहीन भएका छन् ।

जिल्ला प्रहरी कार्यालय सुनसरीका सूचना अधिकारी चन्द्रबहादुर खड्काका अनुसार रामधुनी नगरपालिकाका चारजना भने परिवारको सम्पर्कमा आएका छन् ।

परिवारको सम्पर्कमा आउनेमा रामधुनी नगरपालिका–५ का नवराज ढकाल, देवानगञ्ज गाउँपालिका–७ का देवनन्दन यादव, रामधुनी–८ का जीवन सिंह र रामधुनी–५ का सञ्जित नारायण रहेका छन् ।

यसैगरी दुहबी नगरपालिका–४ का सचिन गौतम, धरानका मुकेश नेपाल, रामधुनी–३ का धिरज साह, भोक्राहा नरसिंह गाउँपालिका–३ का श्यामनारायण साह, कोशी गाउँपालिका–९ की मीना बजगाईं, बराहक्षेत्र नगरपालिका–११ मधुवनका छवि केशर काफ्ले र सोही स्थानका मणि करण राई अझै सम्पर्कमा आएका छैनन् ।

त्यस्तै, इटहरी उपमहानगरपालिका–१९ का नेपाली सेनाका लेसनायक प्रभाकर दंगाल, इनरुवा नगरपालिका–५ का पुष्पराज भट्टराई, रामधुनी–३ का दिनेशकुमार चौधरी, बराहक्षेत्र–७ का भुवनबहादुर श्रेष्ठ, सोही वडाकी रविनाकुमारी धामी, इटहरी–२० का अमरबहादुर खड्का, सोही वडाकी मनमाया खड्का र बराहक्षेत्र–४ का मोहन माझीसँग पनि अझै सम्पर्क हुन सकेको छैन ।

बाढीका कारण सञ्चार तथा यातायात प्रभावित भएकाले सम्पर्कविहीन व्यक्तिको अवस्था यकिन गर्न कठिनाइ भइरहेको प्रहरीले जनाएको छ । उनीहरूको अवस्थाबारे खोजी तथा समन्वय भइरहेको छ ।

Originally published on abcnews.com.np.