काठमाडौं । ग्लोबल म्युचुअल फन्डअन्तर्गत ‘ग्लोबल सिस्टमेटिक इन्भेस्टमेन्ट प्रोडक्ट’ नामक नयाँ योजना सञ्चालनमा ल्याइने भएको छ। योजना व्यवस्थापक ग्लोबल आइएमई क्यापिटलले म्युचुअल फन्ड सञ्चालनका लागि नेपाल धितोपत्र बोर्डमा निवेदन दिँदै अनुमति मागेको छ।

१ अर्ब रुपैयाँको इकाइ निष्कासन हुने

धितोपत्र बोर्डबाट स्वीकृति प्राप्त भएमा क्यापिटलले १ अर्ब रुपैयाँबराबरको १० करोड इकाइ सार्वजनिक निष्कासन गर्नेछ। प्रत्येक इकाइको अंकित मूल्य १० रुपैयाँ तोकिएको छ।

यो योजना खुलामुखी म्युचुअल फन्डका रूपमा सञ्चालन गरिने जनाइएको छ।

ग्लोबल आइएमई बैंक प्रवर्द्धक

‘ग्लोबल सिस्टमेटिक इन्भेस्टमेन्ट प्रोडक्ट’को कोष प्रवर्द्धकमा ग्लोबल आइएमई बैंक रहनेछ। योजना सञ्चालनका लागि आवश्यक स्वीकृति तथा प्रक्रिया पूरा भएपछि सार्वजनिक निष्कासनको प्रक्रिया अघि बढाइनेछ।

Originally published on abcnews.com.np.