काठमाडौं । प्रधानमन्त्री बालेन शाह र नेपालका लागि चिनियाँ राजदूत झाङ माओमिङबीच सोमबार भेटवार्ता भएको छ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको भेटवार्ता शिष्टाचारमा केन्द्रित रहेको प्रधानमन्त्रीको सचिवालयले जनाएको छ।
भेटका क्रममा नेपाल–चीन सम्बन्ध, आपसी सहकार्य तथा दुई देशबीचको सम्बन्धलाई थप सुदृढ बनाउने विषयमा सामान्य छलफल भएको बताइएको छ।
प्रधानमन्त्री शाहसँग भारतीय राजदूत नवीन श्रीवास्तवले पनि सोमबारै भेटवार्ता गरेका थिए। पछिल्लो समय प्रधानमन्त्रीसँग नेपालका लागि विभिन्न मुलुकका राजदूतहरूको भेटवार्ता बाक्लिएको छ।
Originally published on abcnews.com.np.
प्रतिक्रिया दिनुहोस्