कोलकाता, भारत । पश्चिम बंगालका मुख्यमन्त्री शुभेन्दु अधिकारी सवार हेलिकप्टर मंगलबार खराब मौसमका कारण पूर्व मेदिनीपुर जिल्लाको कोलाघाटमा आपत्कालीन अवतरण गरिएको छ।

भारतीय सञ्चारमाध्यमका अनुसार मौसम प्रतिकूल भएपछि सावधानी अपनाउँदै पाइलटले हेलिकप्टरलाई कोलाघाटस्थित खुला मैदानमा अवतरण गराएका हुन्। मुख्यमन्त्री अधिकारी कोलकाताको दमदमबाट पश्चिम मेदिनीपुर जिल्लाको केशपुरतर्फ जाँदै थिए।

समाचार एजेन्सी पीटीआईका अनुसार हेलिकप्टर सुरक्षित रूपमा अवतरण गराइएको थियो। त्यसपछि मुख्यमन्त्री अधिकारी सडकमार्ग हुँदै केशपुर पुगेका छन्।

अधिकारी केशपुरमा आयोजित स्वतन्त्रता सेनानी खुदिराम बोसलाई श्रद्धाञ्जली अर्पण गर्ने कार्यक्रममा सहभागी हुन जाँदै थिए। खराब मौसमका कारण हवाई यात्रा निरन्तरता दिन जोखिम देखिएपछि हेलिकप्टर बीच बाटोमै अवतरण गराइएको हो।

हेलिकप्टर आपत्कालीन रूपमा अवतरण गरिए पनि मुख्यमन्त्री अधिकारी सुरक्षित रहेको भारतीय सञ्चारमाध्यमले जनाएका छन्।

केशपुरमा आयोजना गरिएको कार्यक्रममा अधिकारीले स्वतन्त्रता सेनानी खुदिराम बोसप्रति श्रद्धाञ्जली अर्पण गर्ने कार्यक्रम रहेको थियो। दमदमबाट हेलिकप्टरमा प्रस्थान गरेका उनी खराब मौसमका कारण कोलाघाटमा अवतरण गरेपछि बाँकी यात्रा सडकमार्गबाट पूरा गरेका हुन्।

Originally published on abcnews.com.np.