काठमाडौं । स्थानीय बजारमा सुनको मूल्य तोलामा १२ सय रुपैयाँले घटेको छ। नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला ३ लाख ६ हजार ७ सय रुपैयाँमा कारोबार भइरहेको छ।

सोमबार छापावाल सुन प्रतितोला ३ लाख ७ हजार ९ सय रुपैयाँमा कारोबार भएको थियो। यसअनुसार सुनको मूल्य तोलामा १ हजार २ सय रुपैयाँ घटेको हो।

चाँदीको मूल्य पनि घट्यो

चाँदीको मूल्य पनि प्रतितोला ३५ रुपैयाँले घटेको छ। महासंघका अनुसार बुधबार चाँदी प्रतितोला ४ हजार ७ सय ४५ रुपैयाँमा कारोबार भइरहेको छ। सोमबार यसको मूल्य प्रतितोला ४ हजार ७ सय ८० रुपैयाँ थियो।

अन्तर्राष्ट्रिय बजारमा पनि उतारचढाव

महासंघका अनुसार अन्तर्राष्ट्रिय बजारमा सुन प्रतिऔंस करिब ४ हजार ४ सय अमेरिकी डलर तथा चाँदी प्रतिऔंस करिब ६५ अमेरिकी डलरमा कारोबार भइरहेको छ। अन्तर्राष्ट्रिय बजारको मूल्य अस्थिर रहेको महासंघले जनाएको छ।

पछिल्लो समय स्थानीय बजारमा सुनको माग केही घटेकाले मूल्यमा समेत गिरावट आएको महासंघको भनाइ छ।

Originally published on abcnews.com.np.