काठमाडौं । विदेशमा रहेका नेपाली नागरिकको मताधिकार सुनिश्चित गर्न निर्वाचन आयोगले समिति गठन गरेको छ ।
नेपाली नागरिकको मताधिकार सुनिश्चित गर्न कानुनी तथा सूचना प्रविधिका क्षेत्रमा गर्नुपर्ने काम पहिचानका लागि समिति गठन गरिएको हो ।
आयोगले आयुक्त गुरुप्रसाद वाग्लेको संयोजकत्वमा कानुनी व्यवस्था अध्ययन समिति गठन गरेको छ । उक्त समितिमा कानुन, न्याय तथा संसदीय मामिला मन्त्रालय, गृह मन्त्रालय र परराष्ट्र मन्त्रालयका प्रतिनिधि रहनेछन् ।
यस्तै,सूचना प्रविधिको प्रयोगका विषयमा राजिब सुब्बाको नेतृत्वमा समिति गठन भएको छ । यसमा परराष्ट्र मन्त्रालय, एकीकृत डाटा व्यवस्थापन केन्द्र, साइबर ब्यूरो लगायतका प्रतिनिधि रहनेछन् ।
Originally published on abcnews.com.np.
प्रतिक्रिया दिनुहोस्