काठमाडौं । नेकपा एमालेका अध्यक्ष केपी शर्मा ओली, नेकपाका संयोजक पुष्पकमल दाहाल ‘प्रचण्ड’ र नेकपा मसालका महामन्त्री मोहनविक्रम सिंहबीच लुम्बिनी प्रदेश सरकार गठन र राजनीतिक सहकार्यका विषयमा दुईबुँदे सहमति भएको छ ।

साउन २७ गते भएको सहमतिपत्रमा ओली, प्रचण्ड र सिंहले हस्ताक्षर गर्नुभएको छ ।

सहमतिको पहिलो बुँदामा लुम्बिनी प्रदेश सरकार गठन प्रक्रियालाई निरन्तरता दिने र प्रदेशको विकास निर्माणका काममा सहकार्य गर्ने उल्लेख छ । सहमतिअनुसार सरकार गठनसँगै प्रदेशको विकास निर्माणका कार्यमा पनि सहकार्य गर्ने समझदारी भएको हो ।

दोस्रो बुँदामा राष्ट्रिय स्वाधीनता, संविधानको रक्षा र लोकतान्त्रिक गणतन्त्रको संरक्षणका पक्षमा सहकार्य गर्ने सहमति गरिएको छ । यस्तै, प्रतिगमनकारी शक्तिविरुद्ध संयुक्त रूपमा आन्दोलन गर्ने समझदारीसमेत भएको छ ।

सहमतिको आधारमा लुम्बिनी प्रदेशमा सरकार गठन प्रक्रियालाई अघि बढाउने र प्रदेशको विकास तथा राजनीतिक विषयमा तीन दलबीच सहकार्य गर्ने समझदारी बनेको हो ।

Originally published on abcnews.com.np.