काठमाडौँ । काठमाडौँस्थित भारतीय दूतावासमा शनिबार भारतको ८०औँ स्वतन्त्रता दिवस समारोहपूर्वक मनाइएको छ।

कार्यक्रममा नेपालका लागि भारतीय राजदूत नवीन श्रीवास्तवले राष्ट्रिय झण्डा फहराएका थिए। त्यसपछि भारतीय राष्ट्रपति द्रौपदी मुर्मूले स्वतन्त्रता दिवसको पूर्वसन्ध्यामा राष्ट्रका नाममा दिएको सम्बोधन प्रसारण गरिएको थियो।

समारोहमा राजदूत श्रीवास्तवले भारतीय सशस्त्र सेनाका दिवंगत ११ सैनिकका विधवा तथा नजिकका हकदारलाई सम्मान गरे। सो अवसरमा एजीआईएफअन्तर्गत ८ करोड २० लाख रुपैयाँ बराबरको चेक समेत हस्तान्तरण गरिएको थियो।

प्रतियोगिताका विजेता सम्मानित

स्वतन्त्रता दिवसको अवसरमा दूतावासले आयोजना गरेका विभिन्न प्रतियोगिताका विजेतालाई पनि सम्मान गरिएको छ।

‘विकसित भारत’ विषयमा आधारित चित्रकला प्रतियोगिता, ‘विकसित भारत रन’ तथा अन्तरविद्यालय क्विज प्रतियोगिताका विजेतालाई राजदूत श्रीवास्तवले सम्मान गरे।

२२ शैक्षिक संस्था र पुस्तकालयलाई पुस्तक

भारतीय दूतावासले नेपालका सातवटै प्रदेशमा रहेका २२ वटा शैक्षिक संस्था तथा पुस्तकालयलाई पुस्तक अनुदान उपलब्ध गराउने घोषणा गरेको छ।

दूतावासका अनुसार उक्त पहलले नेपाली शिक्षा क्षेत्रलाई सहयोग पुर्‍याउने अपेक्षा गरिएको छ।

Originally published on abcnews.com.np.