मुस्ताङ । प्रसिद्ध धार्मिकस्थल मुक्तिनाथ मन्दिरमा भक्तजनले चढाएको भेटीबाट संकलित रकम ११ करोड रुपैयाँभन्दा बढी पुगेको छ।
मुक्तिनाथ विकास समितिका अनुसार गत असार मसान्तसम्म समितिका पाँचवटा बैंक खातामा रु. ११ करोड ७६ लाख ३३ हजारभन्दा बढी मौज्दात रहेको छ।
समितिका व्यवस्थापक दिनेश भुसालका अनुसार कृषि विकास बैंकमा रु. ७ करोड १६ लाख ३२ हजार, सांग्रिला बैंकमा रु. ३ करोड ९२ लाख ९५ हजार रहेको छ।
त्यस्तै, प्रभु बैंकमा रु. ५५ लाख ६४ हजार, नेपाल बैंकमा रु. ११ लाख २३ हजार र माछापुच्छ्रे बैंकमा रु. १७ हजार ५०० मौज्दात रहेको समितिले जनाएको छ।
बैंक खातामा रहेको रकममध्ये सबैभन्दा बढी कृषि विकास बैंकमा र सबैभन्दा कम माछापुच्छ्रे बैंकमा रहेको छ।
Originally published on abcnews.com.np.
प्रतिक्रिया दिनुहोस्