काठमाडौं । नेपाल राष्ट्र बैंकले आजका लागि विदेशी मुद्राको विनिमयदर सार्वजनिक गरेको छ। राष्ट्र बैंकका अनुसार अमेरिकी डलर, युरोसहित अधिकांश प्रमुख विदेशी मुद्राको विनिमयदर आज स्थिर रहेको छ।

राष्ट्र बैंकले तोकेको दरअनुसार आज अमेरिकी डलर १ को खरिददर १५२ रुपैयाँ ३९ पैसा र बिक्रीदर १५२ रुपैयाँ ९९ पैसा रहेको छ। हिजो पनि डलरको विनिमयदर यही थियो।

यसअघि गएको जेठ ७ गते अमेरिकी डलर १ को खरिददर १५४ रुपैयाँ ६२ पैसा र बिक्रीदर १५५ रुपैयाँ २२ पैसा पुगेको थियो। उक्त दर हालसम्मकै उच्च रहेको राष्ट्र बैंकको विवरणले देखाउँछ।

युरो र पाउन्डको मूल्य

आज युरो १ को खरिददर १७६ रुपैयाँ ६ पैसा र बिक्रीदर १७६ रुपैयाँ ७५ पैसा रहेको छ।

त्यस्तै, पाउन्ड स्टर्लिङ १ को खरिददर २०६ रुपैयाँ ११ पैसा र बिक्रीदर २०६ रुपैयाँ ९२ पैसा निर्धारण गरिएको छ।

अस्ट्रेलियन डलर १ को खरिददर १०७ रुपैयाँ ८२ पैसा र बिक्रीदर १०८ रुपैयाँ २४ पैसा रहेको छ।

कुवेती र बहराइन दिनार

आज कुवेती दिनार १ को खरिददर ४९५ रुपैयाँ ९८ पैसा र बिक्रीदर ४९७ रुपैयाँ ९३ पैसा रहेको छ।

बहराइन दिनार १ को खरिददर ४०४ रुपैयाँ २१ पैसा र बिक्रीदर ४०५ रुपैयाँ ८० पैसा निर्धारण गरिएको छ।

राष्ट्र बैंकका अनुसार अघिल्लो दिन अमेरिकी डलर, कुवेती दिनार र बहराइन दिनारको मूल्य घटेको थियो भने अस्ट्रेलियन डलर, युरो र पाउन्ड स्टर्लिङलगायत केही मुद्राको विनिमयदर बढेको थियो।

केन्द्रीय बैंकले आवश्यकताअनुसार जुनसुकै समयमा पनि तोकिएको विनिमयदर संशोधन गर्न सक्ने जनाएको छ। वाणिज्य बैंकहरूले तोक्ने विदेशी मुद्राको विनिमयदर भने राष्ट्र बैंकले निर्धारण गरेको दरभन्दा फरक हुन सक्नेछ।

आजका सबै विदेशी मुद्राको अद्यावधिक विनिमयदर नेपाल राष्ट्र बैंकको आधिकारिक वेबसाइटमा उपलब्ध रहेको छ।

Originally published on abcnews.com.np.