काठमाडौं। मनसुनका बेला कपडा धुने र सुकाउने समस्या समाधान गर्ने उद्देश्यले एलजीले एआई डीडी २.० वासर एन्ड ड्रायर नेपाली बजारमा ल्याएको छ।

लामो समयसम्म पानी पर्ने र हावामा आर्द्रता बढी हुने समयमा कपडा सुक्न ढिला हुने, ओसिलोपन तथा गन्ध आउने र पर्याप्त ठाउँको अभाव हुने समस्यालाई ध्यानमा राख्दै कम्पनीले एउटै मेसिनमा कपडा धुने र सुकाउने सुविधा भएको उपकरण बजारमा ल्याएको जनाएको छ।

एलजी एआई डीडी २.० वासर एन्ड ड्रायर २०/१० केजी, १५/८ केजी, ११/७ केजी र ८/६ केजी क्षमतामा उपलब्ध छ।

कम्पनीका अनुसार यसमा एआई डीडी २.० प्रविधि प्रयोग गरिएको छ। यसले कपडाको तौल र कपडाको प्रकार पहिचान गरी सोहीअनुसार धुलाई तथा कपडा संरक्षण गर्न सहयोग गर्छ।

त्यस्तै, बाफमार्फत एलर्जी नियन्त्रण तथा कपडा ताजा बनाउने सुविधाले सामान्य एलर्जी गराउने तत्व र गन्ध कम गर्न सहयोग गर्ने कम्पनीको दाबी छ।

एलजी थिनक्यू प्रविधिमार्फत मोबाइल फोनबाटै वासिङ मेसिनको निगरानी तथा नियन्त्रण गर्न सकिनेछ। इजी डिस्पेन्स सुविधाले कपडाको परिमाणअनुसार आवश्यक डिटर्जेन्ट र सफनरको मात्रा स्वतः प्रयोग गर्छ।

मेसिनमा ६ मोसन डाइरेक्ट ड्राइभ र एआई वास प्रविधिसमेत रहेको कम्पनीले जनाएको छ। यी प्रविधिले कपडाको तौल तथा प्रकार पहिचान गरी धुलाई प्रक्रियालाई आवश्यकताअनुसार समायोजन गर्छन्।

त्यस्तै, टर्बोवास ३६० डिग्री प्रविधिले ३९ मिनेटमै प्रभावकारी धुलाई गर्न सहयोग गर्ने कम्पनीको दाबी छ।

एलजी एआई डीडी २.० वासर एन्ड ड्रायर नेपालभरका अधिकृत बिक्री केन्द्रमा उपलब्ध रहेको कम्पनीले जनाएको छ। यो सीजी डिजिटल, एलजी ब्रान्डसप तथा अधिकृत एलजी विक्रेतामार्फत खरिद गर्न सकिनेछ।

ग्राहकका लागि शून्य प्रतिशत ईएमआई किस्ताबन्दी सुविधासमेत उपलब्ध रहेको कम्पनीले जनाएको छ।

Originally published on abcnews.com.np.