आजकल फूल्दैनन कुनै फूलहरु
छर्दैनन मिठो सुगन्ध
हाँस्दैनन पत्रपत्र
लाग्दैनन अब
कुनै बोटमा कलिला कोपिलाहरु
किनभने आजभोलि
कपटका काँडाहरु फुल्न थाले
छर्न थाले दुराचारकाे दुर्गन्ध
रुँदै छन फुलहरु
पत्र पत्रबाट
आँसुका भेल फुटाइ
हृदयकाे समुद्रबाट
हिरा फलाउने खेत खलियान अनि
सुनाैला बाला झुलाउने फाँटहरु
बाँझै छन आजभोलि
उब्जाउन्नन अब कुनै अन्न
फल्दैनन बालिहरु
किनभने आजभोली
मरुभूमिले अन्न फलाउँदै छ
ढुङ्गा, बालुवा अनि माटोको
मानिसहरु स्वाद मानी मानी खाँदै छ्न
विभिन्न परिकार बनाइ
आजकल आइमाईहरुले
बच्चा जन्माउन छोडी सके
लोग्नेमान्छेहरु आमा हुन थालीसके
काटिदिए कोमल पाठेघर छोरी पाउने त्यो
अनि उमारे आफै एउटा
राेबाेटजडित पाठेघर पुरुषत्वको
निर्मम छातिमा
कठोरताको विषवृक्ष उमारे
तर
चुपचाप हेर्दै छन
भारी सभामा बसेर
लाचार बाँझा आइमाईहरु !!
प्रतिक्रिया दिनुहोस्