वासिङ्टन डीसी । अमेरिकी राष्ट्रपति डोनाल्ड ट्रम्पले हर्मुज स्ट्रेटलाई ‘अमेरिकी क्षेत्र’का रूपमा चित्रण गरेका छन्। उनले आफ्नो सामाजिक सञ्जाल ‘ट्रुथ सोसल’मा हर्मुज स्ट्रेटलाई ‘नयाँ अमेरिकी क्षेत्र’का रूपमा देखाइएको ग्राफिक पोस्ट गरेका हुन्।

ट्रम्पको उक्त दाबीप्रति इरानले तत्काल असहमति जनाएको छ। इरानका उपविदेशमन्त्री काजेम घरिबाबादीले सामाजिक सञ्जाल एक्समार्फत ट्रम्पको भनाइलाई ‘भ्रमपूर्ण’ भन्दै त्यसलाई सच्याउनुपर्ने प्रतिक्रिया दिएका छन्।

घरिबाबादीले ट्रम्पले हर्मुज स्ट्रेटबारे चाँडै आफ्नो गलत धारणा सुधार गर्ने बताएका छन्। उनले ट्रम्पले यसअघि ‘फारसी खाडी’को नामसम्बन्धी धारणा सच्याएजस्तै हर्मुज स्ट्रेटबारेको भ्रम पनि हट्ने दाबी गरेका छन्।

उनले ट्रम्पले पोस्ट गरेको हर्मुज स्ट्रेटसम्बन्धी ग्राफिकसमेत आफ्नो सामाजिक सञ्जालमा सेयर गरेका छन्।

इरानको कडा प्रतिक्रिया

इरानको विदेश मन्त्रालयले ट्रम्पको दाबीलाई अस्वीकार गर्दै हर्मुज स्ट्रेटलाई अमेरिकी क्षेत्रका रूपमा प्रस्तुत गर्नु गलत भएको जनाएको छ।

उपविदेशमन्त्री घरिबाबादीले ट्रम्पको दाबीलाई ‘भ्रम’को संज्ञा दिँदै त्यसबारे आफ्नो धारणा सच्याउनुपर्ने बताएका छन्। घटनाबारे इरान सरकारले थप औपचारिक प्रतिक्रिया दिने सम्भावना रहेको बताइएको छ।

Originally published on abcnews.com.np.