काठमाडौँ । काठमाडौँका विभिन्न नदी किनारबाट हटाइएका सुकुम्वासीहरू पुनः आन्दोलित भएका छन्। सरकारले उचित व्यवस्थापन नगरेको भन्दै उनीहरूले बिहीबार माइतीघर मण्डलमा प्रदर्शन गरेका हुन्।
संयुक्त राष्ट्रिय सुकुम्वासी मोर्चाको अगुवाइमा भएको प्रदर्शनमा सहभागीहरूले नदी किनारबाट हटाएपछि आफूहरूको उचित पुनर्वासको व्यवस्था नगरिएको गुनासो गरेका छन्।
आन्दोलनकारीले सरकारले आफूहरूलाई विचल्लीमा पारेको आरोप लगाउँदै तत्काल पुनर्वास तथा उचित व्यवस्थापनको व्यवस्था गर्न माग गरेका छन्।
मोर्चाका नेताहरूले सरकारले पटक–पटक आफ्ना मागप्रति बेवास्ता गरेपछि बाध्य भएर सडकमा आउनुपरेको बताएका छन्। उनीहरूले नदी किनारबाट हटाइएका परिवारको जीवनयापन र आवासको सुनिश्चितता गर्न सरकारसँग आग्रह गरेका छन्।
Originally published on abcnews.com.np.
प्रतिक्रिया दिनुहोस्