काठमाडौं । बागमती प्रदेशका नवनियुक्त मुख्यमन्त्री किरण थापा मगरले पद तथा गोपनीयताको शपथ लिएका छन्।

बिहीबार हेटौँडास्थित प्रदेश प्रमुखको कार्यालयमा आयोजित समारोहमा प्रदेश प्रमुख दीपकप्रसाद देवकोटाले मुख्यमन्त्री थापालाई पद तथा गोपनीयताको शपथ गराएका हुन्। थापा बिहीबार नै मुख्यमन्त्री नियुक्त भएका थिए।

प्रदेशसभामा कुनै पनि दलको स्पष्ट बहुमत नरहेको अवस्थामा नेपालको संविधानको धारा १६८ को उपधारा (२) बमोजिम थापा मुख्यमन्त्री नियुक्त भएका हुन्। नेकपा एमालेका प्रदेशसभा सदस्य थापाले राष्ट्रिय प्रजातन्त्र पार्टी (राप्रपा) र नेपाली कम्युनिस्ट पार्टीको समर्थनमा मुख्यमन्त्री पदमा दाबी पेस गरेका थिए।

थापा मुख्यमन्त्री नियुक्त भएसँगै बागमती प्रदेशमा लामो समयदेखि देखिएको सत्ता समीकरणको अन्योल अन्त्य भएको छ। नयाँ सरकारमा सहभागी हुने अन्य मन्त्रीहरूलाई पनि बिहीबार नै नियुक्त गरी शपथ गराउने तयारी गरिएको छ।

यसअघि बागमती प्रदेशको मुख्यमन्त्रीमा एमालेकै जेएन थपलिया थिए। सत्ता समीकरणमा आएको परिवर्तनसँगै थापाले नयाँ सरकारको नेतृत्व सम्हालेका हुन्।

Originally published on abcnews.com.np.