बिहीबार सामाजिक सञ्जाल फेसबुकमार्फत धारणा सार्वजनिक गर्दै दाहालले सरकारले गर्ने जुनसुकै अनुसन्धानमा आफूहरूको पूर्ण सहयोग रहने बताएकी हुन्।

‘हामीले हाम्रो सम्पत्ति विवरण सरकारसमक्ष केही समयअघिनै बुझाइसकेका छौँ। सरकारले गर्ने जुनसुकै अनुसन्धानका लागि हाम्रो सहयोग रहनेछ। गलत गरेको पुष्टि भए कारबाही भोग्नेछौँ,’ उनले लेखेकी छन्।

तर बिना कारण र गल्तीबिना आफूहरूमाथि लगाइने आरोप भने स्वीकार्य नहुने उनले बताएकी छन्।

कानुनबमोजिम जुनसुकै निकायले गर्ने कानुनी छानबिनका लागि आफू र आफ्नो परिवार सदैव तयार रहेको उल्लेख गर्दै दाहालले बेलाबेलामा आफूहरूविरुद्ध अफवाह फैलाउने काम भइरहेको भन्दै सरकारको ध्यानाकर्षण गराएकी छन्।

उनले तथ्य र प्रमाणका आधारमा हुने अनुसन्धानलाई आफूहरूले सहयोग गर्ने तर आधारहीन आरोप र अफवाहलाई स्वीकार नगर्ने स्पष्ट पारेकी छन्।