काठमाडौँ । काठमाडौँ उपत्यकामा गएरातिदेखि वर्षा भइरहेको छ।
मौसम पूर्वानुमान महाशाखाकी मौसमविद् बिनु महर्जनका अनुसार उपत्यकामा पछिल्लो ६ घण्टादेखि पानी पर्ने र रोकिने क्रम जारी छ। अहिले पनि उपत्यकाका विभिन्न स्थानमा हल्का वर्षा भइरहेको छ।
उनका अनुसार पछिल्लो १२ घण्टामा नागार्जुन क्षेत्रमा भारी वर्षा भएको छ। नागार्जुनमा ७२ मिलिमिटर वर्षा मापन गरिएको महर्जनले जानकारी दिइन्। उपत्यकाका अन्य क्षेत्रमा भने मध्यम वर्षा भएको छ।
मौसमविद् महर्जनका अनुसार अब वर्षा क्रमशः कम हुँदै केही समय रोकिने सम्भावना रहे पनि दिउँसो पुनः वर्षा हुन सक्नेछ। आज काठमाडौँ उपत्यकामा मध्यम वर्षाको सम्भावना रहेको उनले बताइन्।
देशभरको मौसमसम्बन्धी विस्तृत विवरण मौसम पूर्वानुमान महाशाखाले बिहान ८ बजेपछि सार्वजनिक गर्नेछ।
Originally published on abcnews.com.np.
प्रतिक्रिया दिनुहोस्