डार्विनस्थित मारारा ओभलमा हुने खेल नेपाली समयअनुसार दिउँसो २ः१५ बजे सुरु हुनेछ।

पहिलो खेलमा ब्याटिङ र बलिङ दुवैमा अपेक्षाअनुसार प्रदर्शन गर्न नसकेको नेपाल ‘ए’ले आज सुधारिएको खेल प्रदर्शन गर्ने लक्ष्य राखेको छ। टोलीले बंगलादेश हाई–परफर्मेन्सलाई चुनौती दिँदै प्रतियोगितामा पुनरागमन गर्ने प्रयास गर्नेछ।

गत वर्ष पनि नेपालले टप एन्ड टी–२० अन्तर्गत बंगलादेश ‘ए’सँग प्रतिस्पर्धा गरेको थियो। उक्त खेलमा नेपाल २९ रनले पराजित भएको थियो।

प्रतियोगिताको लिग चरणमा प्रत्येक टोलीले ६ खेल खेल्ने भएकाले पहिलो खेलमा पराजित भए पनि नेपाल ‘ए’सँग प्रतियोगितामा फर्कने पर्याप्त अवसर छ। आजको खेलमा जित निकाल्दै टोलीले आफ्नो स्थिति बलियो बनाउने लक्ष्य राखेको छ।

पहिलो खेलमा हार

टप एन्ड टी–२० को पहिलो खेलमा नेपाल ‘ए’ नर्दन टेरिटोरी स्ट्राइक्ससँग ८ विकेटले पराजित भएको थियो। नेपालले दिएको १ सय २३ रनको लक्ष्य आयोजक टोलीले १५ ओभरमै २ विकेट गुमाएर पूरा गरेको थियो।

पहिलो खेलको कमजोरी सुधार गर्दै नेपाल ‘ए’ आज ब्याटिङ, बलिङ र समग्र प्रदर्शनमा सुधारसहित मैदान उत्रने तयारीमा छ।