काठमाडौं । नेकपा एमालेकी नेतृ रामकुमारी झाँक्रीले नेतृत्वको अनुहार परिवर्तनलाई मात्रै पार्टी पुनर्गठन मान्न नसकिने बताएकी छन्।

सामाजिक सञ्जालमार्फत पार्टीभित्र भइरहेको पुनर्गठनको चर्चामाथि टिप्पणी गर्दै झाँक्रीले पुनर्गठनको वास्तविक अर्थ खोज्नुपर्ने बताएकी हुन्।

उनले प्रश्न गरेकी छन्, ‘यदि पुनर्गठनको अर्थ एक जना अध्यक्ष हटाउने र बाँकी पुरानै संरचना, पुरानै कार्यशैली, पुरानै अनुहार र पुरानै शक्ति सम्बन्ध कायम राख्ने हो भने त्यसलाई पुनर्गठन भन्न मिल्छ कि मिल्दैन?’

केवल व्यक्तिको परिवर्तनले पार्टीको आन्तरिक संरचना र कार्यशैलीमा सुधार नआउने उनको भनाइ छ।

झाँक्रीले Gen Z आन्दोलन हुनुभन्दा दुई दिनअघि भएको एमालेको विधान महाधिवेशनमा आन्तरिक लोकतन्त्रको प्रश्न किन नउठेको भन्दै प्रश्नसमेत गरेकी छन्।

‘अझ रोचक कुरा के छ भने Gen Z आन्दोलन हुनुभन्दा दुई दिनअघि भएको एमालेको विधान महाधिवेशनमा आन्तरिक लोकतन्त्रको प्रश्न किन उठेन?’ उनले लेखेकी छन्।

Originally published on abcnews.com.np.