काठमाडौं । जल तथा मौसम विज्ञान विभागअन्तर्गतको मौसम पूर्वानुमान महाशाखाले आज (सोमबार) साँझ ६ बजे जारी गरेको बुलेटिन अनुसार देशभर साधारणतया बादल लागेको छ। बागमती, गण्डकी, लुम्बिनी र कर्णाली प्रदेशका थोरै स्थानमा हल्कादेखि मध्यमसम्म वर्षा भइरहेको छ।

हिमाली क्षेत्रमा वर्षा/हिमपातको सम्भावना

मौसम महाशाखाको अध्ययन अनुसार आज राति देशका हिमाली भूभागका थोरै स्थानमा मेघगर्जन/चट्याङसहित मध्यमसम्म वर्षा/हिमपातको सम्भावना रहेको छ।

पहाडी र तराई क्षेत्रमा जोखिम

यस्तै कोसी, बागमती र गण्डकी प्रदेशका पहाडी भूभागका केही तथा लुम्बिनी, कर्णाली र सुदूरपश्चिम प्रदेशका पहाडी भूभागका पनि थोरै स्थानमा मेघगर्जन/चट्याङसहित मध्यमसम्म वर्षाको सम्भावना छ। साथै मधेस प्रदेश तथा कोसी, बागमती र गण्डकी प्रदेशका तराई भूभागका केही स्थानमा, लुम्बिनी र सुदूरपश्चिम प्रदेशका तराई भूभागका थोरै स्थानमा पनि राति मेघगर्जन/चट्याङसहित मध्यमसम्म वर्षाको सम्भावना छ।

भारी वर्षा र हुरीको चेतावनी

कोसी प्रदेशका पहाड र तराई, बागमती र गण्डकी प्रदेशका पहाडी भूभागका एक-दुई स्थानमा राति भारी वर्षा पनि हुने सम्भावना रहेको मौसम महाशाखाले जनाएको छ। मधेस तथा कोसी प्रदेशको तराईका केही स्थानमा हुरीसमेत जाने सम्भावना छ।

मौसम चेतावनी नक्सा जारी

मौसम महाशाखाले आज रातिका लागि मौसम चेतावनी नक्सासमेत जारी गरेको छ। सो चेतावनीमा भनिएको छ, ‘आज राति कोसी प्रदेशका पहाड र तराई, बागमती र गण्डकी प्रदेशका पहाडी भूभागका एक-दुई स्थानमा भारी वर्षाको सम्भावना रहेकाले पहेँलो रङ लगाइएको छ। पहेँलो क्षेत्रका बासिन्दाले आवश्यक सतर्कता अपनाउनुहोला।’

सतर्कता आह्वान

विभागले जारी गरेको चेतावनी अनुसार, सम्बन्धित क्षेत्रका बासिन्दाहरूलाई आवश्यक सतर्कता अपनाउन अनुरोध गरिएको छ।

Originally published on abcnews.com.np.