काठमाडौं । प्रतिनिधिसभाका सभामुख डोलप्रसाद अर्याल छाती दुखेपछि अस्पताल पुगेका छन् । सोमबार (भदौ ८) प्रतिनिधिसभा बैठक सकिएपछि उपचारका निम्ति सहिद गंगालाल राष्ट्रिय हृदय केन्द्रमा पुगेका हुन् ।
सभामुखका प्रमुख स्वकीय सचिव मुना कुवँरले नियमित स्वास्थ्य परीक्षणका लागि अस्पताल पुगेको जानकारी दिइन् । सभामुख अर्यालको रिपोर्ट सामान्य आएपछि निवास फर्किसकेको उनले जानकारी दिइन् ।
“सम्माननीय सभामुखज्यू सदन सकिएपश्चात नियमित स्वास्थ्य परीक्षणका लागि गंगालाल राष्ट्रिय हृदय केन्द्रमा जानु भएको हो । रिपोर्ट सामान्य आएपछि निवास फर्किसक्नुभयो,” उनले बाह्रखरीलाई भनिन् ।
Originally published on abcnews.com.np.
प्रतिक्रिया दिनुहोस्