पोखरा । पोखरामा आयोजित प्रथम पिसिएम कप खुला राष्ट्रिय जुनियर टेनिस प्रतियोगिताको यू–१८ ब्वाइज सिंगल्सको उपाधि शाश्वत बज्राचार्यले जितेका छन्।

गण्डकी प्रदेश टेनिस संघको आयोजनामा भएको प्रतियोगिताको सोमबार पोखरा रंगशालास्थित टेनिस कोर्टमा भएको फाइनलमा बज्राचार्यले सन्दीप विकलाई ६–१, ६–१ को सोझो सेटमा पराजित गर्दै उपाधि जितेका हुन्।

यू–१४ ब्वाइज सिंगल्सतर्फ आर्यषराज पौडेल विजेता बने। उनले फाइनलमा अभिषेक बयलकोटीलाई ६–१, ७–५ ले हराए।

त्यस्तै, यू–१६ ब्वाइज सिंगल्सको उपाधि सुरेन्द्र विकले हात पारे। उनले फाइनलमा आर्यषराज पौडेललाई ६–३, ६–३ को सेटमा पराजित गरे।

अन्य विधाका विजेता

गल्र्सतर्फ यू–१२ र यू–१० दुवै विधाको उपाधि निम्ति कुँवरले जितेकी छन्।

यू–८ गल्र्स सिंगल्समा वाणी राजभण्डारी प्रथम र निवेदी सुनार द्वितीय भए।

यू–१२ ब्वाइज सिंगल्समा सहंस बस्नेतले इभान भट्टराईलाई पराजित गर्दै उपाधि जिते। यू–९ ब्वाइज सिंगल्समा सवज्र्ञजंग खत्री प्रथम र सोनम टी घले द्वितीय भए।

विजेता खेलाडी सम्मानित

समापन समारोहमा पोखरा कलेज अफ म्यानेजमेन्टकी प्राचार्य लिना नेगी श्रेष्ठ, नेपाल टेनिस संघका पूर्वअध्यक्ष मनोज राणा तथा प्रतियोगिता संयोजक लोक गुरुङले विजेता खेलाडीलाई मेडल, प्रमाणपत्र र गिफ्ट ह्याम्पर प्रदान गरे।

प्राचार्य श्रेष्ठले पोखरा कलेज अफ म्यानेजमेन्टले २५ वर्षदेखि व्यवस्थापन शिक्षाका क्षेत्रमा योगदान गर्दै आएको र युवालक्षित विभिन्न कार्यक्रम सञ्चालन गर्दै आएको बताइन्। कलेजले खेलकुद क्षेत्रलाई पनि प्राथमिकता दिँदै आएको उनको भनाइ थियो।

आयोजक समितिका अध्यक्ष तथा कलेजका अध्यक्ष विनोद कायस्थले प्रतियोगिता सफल बनाउन सहयोग गर्ने सबैलाई धन्यवाद दिए।

विभिन्न उमेर समूहका खेलाडी सहभागी प्रतियोगिताले जुनियर टेनिस खेलाडीको क्षमता विकास तथा खेलकुदमा आकर्षण बढाउन सहयोग पुग्ने आयोजकले जनाएको छ।

Originally published on abcnews.com.np.