काठमाडौं । नेपालमा भेस्पा र अप्रिलियाका आधिकारिक वितरक डेल्टा अटोकर्प प्रालिले नाडा अटो शो २०२६ लाई लक्षित गर्दै विशेष ‘द सेभिङ एक्स्ट्राभागान्जा’ योजना सार्वजनिक गरेको छ।

नाडा अटो शो अवधिभर भेस्पा वा अप्रिलिया खरिद तथा बुकिङ गर्ने ग्राहकले २८ हजार ५ सय रुपैयाँसम्मको विशेष लाभ प्राप्त गर्ने कम्पनीले जनाएको छ।

योजनाअन्तर्गत ग्राहकले भेस्पा तथा अप्रिलियाको विशेष ल्यापटप ब्यागसमेत प्राप्त गर्नेछन्। नगद, फाइनान्स वा एक्सचेन्जमार्फत सवारीसाधन खरिद गर्ने ग्राहक यस योजनामा सहभागी हुन सक्नेछन्।

इटालियन क्याफे शैलीको स्टल

यस वर्ष भेस्पाले नाडा अटो शोमा आफ्नो स्टललाई इटालियन क्याफेबाट प्रेरित थिममा तयार गरेको छ। स्टलको डिजाइनमार्फत भेस्पाको इटालियन डिजाइन, जीवनशैली र प्रिमियम अनुभवलाई प्रस्तुत गरिने कम्पनीले जनाएको छ।

प्रदर्शनीमा नयाँ अप्रिलिया एसआर १७५ एचपीई मुख्य आकर्षणका रूपमा रहनेछ। त्यस्तै, लाइलक रङको भेस्पा १२५ र ओरो रङको भेस्पा एस १२५ पनि प्रदर्शनीमा राखिनेछन्।

अप्रिलियातर्फ स्टर्म १२५ र एसआर १६० तथा भेस्पाका जेडएक्स १२५, भेस्पा १२५ र भेस्पा एस १२५ का अन्य रङका मोडलसमेत अवलोकन गर्न सकिनेछ।

नयाँ मोडलसँगै विशेष योजना

डेल्टा अटोकर्पका निर्देशक तथा प्रमुख कार्यकारी अधिकृत विजय के. महतोले नाडा अटो शोमा भेस्पा र अप्रिलियाका नयाँ मोडल नेपाली ग्राहकसमक्ष प्रस्तुत गर्न पाउँदा खुसी लागेको बताए।

नयाँ अप्रिलिया एसआर १७५ एचपीई तथा लाइलक रङको भेस्पा १२५ र ओरो रङको भेस्पा एस १२५ ले ग्राहकलाई नयाँ विकल्प र फरक अनुभव दिने उनको भनाइ छ।

उनले इटालियन क्याफे थिममा आधारित स्टल र ‘द सेभिङ एक्स्ट्राभागान्जा’ योजनाले यस वर्षको नाडा अटो शोको अनुभव थप विशेष बनाउने विश्वास व्यक्त गरे।

भेस्पा तथा अप्रिलियाका नयाँ मोडल र विशेष योजनाबारे जानकारी लिन इच्छुक ग्राहकले नाडा अटो शो २०२६ को स्टल नम्बर टीडब्लूई–११ मा पुगेर सवारीसाधन अवलोकन तथा खरिद वा बुकिङसम्बन्धी जानकारी लिन सक्नेछन्।

Originally published on abcnews.com.np.