रासुवा । सरकारले रसुवामा आएको भीषण बाढीले प्रभावित भएकाहरूको उद्धारका लागि १२ वटा हेलिकप्टर परिचालन गरेको छ। नेपाली सेनाका चारवटा हेलिकप्टर र निजी क्षेत्रका आठवटा हेलिकप्टरलाई उद्धार कार्यका लागि खटाइएको हो।

नेपाली सेनाले दुईवटा उद्धार टोली र स्वास्थ्यकर्मीसहितको एउटा टोली नुवाकोट र रसुवा तर्फ प्रस्थान गरेको छ। धादिङ, नुवाकोट, रसुवा तथा चितवन जिल्लास्थित सबै सुरक्षा निकायलाई पनि परिचालन गरिएको जानकारी प्राप्त भएको छ।

बाढी प्रभावित क्षेत्रमा राहत वितरण, उद्धार कार्य तथा खोजी गर्नका लागि परिचालन गरिएका हेलिकप्टरहरूलाई इन्धनको आपूर्ति सुनिश्चित गर्न नेपाल आयल निगमले काठमाडौंबाट त्रिशूलीतर्फ हवाई इन्धनसहितको ट्यांकर परिचालन गरेको छ। नुवाकोटको त्रिशूलीमा यो ट्यांकर तत्कालै पुगेको छ।

हेलिकप्टर विवरण

उद्धार कार्यका लागि नेपाली सेनाबाट चारवटा हेलिकप्टर र निजी क्षेत्रबाट आठवटा हेलिकप्टर परिचालन गरिएको हो। सेनाले दुईवटा उद्धार टोली र एकवटा स्वास्थ्यकर्मीसहितको टोलीलाई प्रभावित क्षेत्रमा पठाएको छ।

Originally published on abcnews.com.np.