काठमाडौं । हिमालयन रिइन्स्योरेन्स लिमिटेडकी प्रमुख कार्यकारी अधिकृत (सीईओ) उपासना पौडेललाई केन्द्रीय अनुसन्धान ब्युरो (सीआईबी)ले पक्राउ गरेको छ।
सीआईबीले पौडेललाई बिहीबार बबरमहलबाट पक्राउ गरेको हो। नेपाल बीमा प्राधिकरणबाट प्राप्त पत्र तथा ट्रस्ट इन्स्योरेन्स ब्रोकरमा गरिएको निरीक्षण प्रतिवेदनका आधारमा बीमा ऐनसम्बन्धी कसुरमा अनुसन्धानका लागि उनलाई पक्राउ गरिएको सीआईबीले जनाएको छ।
सीआईबीका अनुसार प्राधिकरणको निरीक्षण प्रतिवेदनमा औंल्याइएका विषयमा अनुसन्धान गर्न पौडेललाई पक्राउ गरिएको हो। उनीमाथि बीमा ऐन उल्लङ्घनसम्बन्धी विषयमा अनुसन्धान अघि बढाइने बताइएको छ।
पक्राउपछि पौडेलसँग सम्बन्धित विषयमा थप अनुसन्धान भइरहेको सीआईबीले जनाएको छ।
Originally published on abcnews.com.np.
प्रतिक्रिया दिनुहोस्