बेइजिङ । तिब्बतको सीमा क्षेत्रमा आएको विनाशकारी पहिरोमा परी सयौँ मानिस अझै बेपत्ता भइरहेका बेला बाढीको पुनः जोखिम बढेपछि चीनले उद्धार कार्य स्थगित गरेको छ । चिनियाँ सरकारी सञ्चारमाध्यम सीसीटीभीका अनुसार पहिरोको गेग्रान र लेदो जम्मा भएर बनेको एउटा अस्थायी ताल फुटेर उद्धार टोली खटिएको क्षेत्रतर्फ बग्न थालेपछि उद्धार कार्य रोकिएको हो ।

सीसीटीभीले शुक्रवार जानकारी दिएको छ, ‘सबै उद्धार टोलीहरूलाई हालकै स्थानमा तयारी अवस्थामा रहन र थप निर्देशनको प्रतीक्षा गर्न आदेश दिइएको छ’ । यसअघि नै घटनास्थलमा पुगिसकेका आपत्कालीन टोलीहरूलाई पनि बाढीको खतराका कारण ‘एक किलोमिटर पछि हट्न’ निर्देशन दिइएको बताइएको छ ।

उक्त क्षेत्रमा गएको भीषण पहिरोमा परी ठूलो संख्यामा धनजनको क्षति भएको अनुमान गरिएको छ, तर प्रतिकुल मौसम र बाढीको जोखिमले गर्दा बेपत्ताहरूको खोजी कार्य चुनौतीपूर्ण बनेको छ।

उद्धार टोलीलाई दिइएको निर्देशन

सीसीटीभीका अनुसार पहिरो क्षेत्रमा गेग्रान र लेदो जम्मा भएर एउटा अस्थायी ताल बनिएको थियो, जुन ताल फुटेपछि उद्धार टोली खटिएको क्षेत्रतर्फ पानी बग्न थालेको हो । यस कारणले गर्दा उद्धार कार्य तत्कालका लागि रोकिएको छ। घटनास्थल पुगेका आपत्कालीन टोलीहरूलाई एक किलोमिटर पछि हट्न निर्देशन दिइएको सञ्चार माध्यमले जनाएको छ।

Originally published on abcnews.com.np.