काठमाडौं । अध्यागमन विभागले भोटेकोसी नदीमा अचानक बाढी आएको दिन भदौ १० गते टिमुरेस्थित अध्यागमन कार्यालयबाट ९३ जनाले आगमन र प्रस्थान अनुमति लिएको जनाएको छ ।
टिमुरेस्थित अध्यागमन कार्यालयबाट आगमन र प्रस्थान अनुमति लिनेमा नेपाली ३५, भारतीय ३३, चिनियाँ १२ र अमेरिकी नौजना रहेका थिए । यस्तै सो दिन क्यानडा, इटाली र अष्ट्रेलियाका एक/एकजनाले आगमन र प्रस्थान अनुमति लिएका थिए ।
९३ जनामध्ये चारजना आगमन र ८९ जनाले प्रस्थान अनुमति लिएका थिए । आगमन अनुमति लिनेमा तीनजना नेपाली र एकजना भारतीय छन् ।
टिमुरे हुँदै वहने भोटेकोसी नदिमा भदौ १० गते अचानक आएको बाढीले अध्यागमन कार्यालय पूरै बगाएको थियो । बाढीले रसुवा, नुवाकोट र धादिङमा ठूलो जनधनको क्षति गरेको छ ।
Originally published on abcnews.com.np.
प्रतिक्रिया दिनुहोस्