काठमाडौँ । भोटेकोसी नदीमा आएको विनाशकारी बाढीमा परी मृत्यु हुनेको संख्या ७ सय ५२ पुगेको छ । यस्तै, बाढीपछि २ हजार ५ सय २ जना सम्पर्कविहीन रहेको पाइएको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार आइतबार दिउँसो १ बजेसम्म नदी किनार तथा विभिन्न प्रभावित क्षेत्रमा ७ सय ५२ जनाको शव फेला परेको हो ।

सबैभन्दा धेरै चितवनमा २ सय ५९ जनाको शव फेला परेको छ । त्यस्तै रसुवामा १३, नुवाकोटमा ५२, धादिङमा ५०, गोरखामा ५८, नवलपरासी पूर्वमा १ सय ८४, नवलपरासी पश्चिममा १ सय र तनहुँमा ३६ जनाको शव फेला परेको प्राधिकरणले जनाएको छ ।

बाढीपछि विभिन्न क्षेत्रबाट २ हजार ५ सय २ जना सम्पर्कविहीन रहेको विवरण प्राप्त भएको छ । तीमध्ये सबैभन्दा धेरै जलविद्युत् आयोजनामा कार्यरत ९ सय ३३ जना सम्पर्कविहीन छन् ।

बाढी प्रभावित क्षेत्रमा बेपत्ताको खोजी, उद्धार तथा शव व्यवस्थापनको कार्य सुरक्षाकर्मी र अन्य उद्धार टोलीले निरन्तर गरिरहेका छन्।

Originally published on abcnews.com.np.