काठमाडौं। रसुवाको भोटेकोशी नदीमा आएको विनाशकारी बाढीमा परी ज्यान गुमाउनेको संख्या ७३५ पुगेको छ।

नेपाल प्रहरीका अनुसार आइतबार बिहान ११ बजेसम्म विभिन्न जिल्लामा ७३५ जनाको शव फेला परेको हो।

प्रहरीका अनुसार रसुवामा १३, धादिङमा ५०, गोरखामा ५८, नुवाकोटमा ५२, चितवनमा २५९, तनहुँमा ३७, नवलपरासी पूर्वमा १८४ र नवलपरासी पश्चिममा ८२ जनाको शव फेला परेको छ।

बाढीमा परी घाइते भएका तथा उद्धार गरिएका व्यक्तिको संख्या २ हजार ७१५ पुगेको प्रहरीले जनाएको छ।

यस्तै, बाढीपछि २५ जना प्रहरी कर्मचारी अझै सम्पर्कविहीन रहेका छन्। उनीहरूको खोजी तथा उद्धार कार्य जारी रहेको प्रहरीले जनाएको छ।

काठमाडौं उपत्यकाका विभिन्न अस्पतालमा उपचाररत तथा उपचारपछि डिस्चार्ज भएका बाढीपीडित घाइतेको संख्या १६० रहेको छ।

बाढी प्रभावित विभिन्न जिल्लामा बेपत्ताको खोजी, शव पहिचान तथा उद्धार कार्यलाई निरन्तरता दिइएको प्रहरीले जनाएको छ।

Originally published on abcnews.com.np.