काठमाडौं । मुग्लिन–नारायणगढ सडकखण्डअन्तर्गत नाम्सी खोला पुलनजिकै माथिबाट ससाना ढुंगा खसेको सडक डिभिजन कार्यालय भरतपुरले जनाएको छ। बिहीबार बिहान ९ः३५ बजे सूचना जारी गर्दै सडक डिभिजनले सडकमा खसेका ढुंगा हटाउन केही समय मात्र लाग्ने जनाएको छ। सडक डिभिजन भरतपुरले सवारी चालक तथा यात्रुलाई सचेत रहन आग्रह गर्दै सडकमा सवारी आवागमन नयाँ पुलबाट भइरहेको जनाएको छ। ‘सवारी आवागमन नयाँ पुलबाट भइरहेको छ। यात्रा गर्दा हेरेर, रोकेर, बुझेर मात्रै सुरक्षित यात्रा गर्न अनुरोध छ,’ सडक डिभिजनले भनेको छ।
Originally published on abcnews.com.np.
प्रतिक्रिया दिनुहोस्