काठमाडौं, १५ वैशाख । सरकारका निति नियम उलंघन गर्ने सुर्य टोबाको कम्पनीलाई कारवाही गर्ने चेतावनी दिएको छ ।
स्वास्थ्य तथा जनसख्या मन्त्रालय सहित विभिन्न सरोकारित संस्थाको सहकार्यमा शनिबार राजधानीमा आयोजित सुर्तीजन्य पदार्थ नियन्त्रण र नियम सम्बन्धी अन्र्तक्रियामा स्वास्थ्य राज्यमन्त्री पद्मा अर्यालले सरकारका निति नियम उलंघन गर्नेलाई कारवाहीको दायरामा ल्याउने बताएकी हुन् ।

सुर्य टोबाले आफ्नो उत्पादनमा सुर्तीजन्य पदार्थको बाहिरी कभरमा सुर्ती जन्य पदार्थले पुर्याउने हानी नोक्सानीको बारेमा कम स्थान दिएको भन्ने गुसानो आएपछि मन्त्रीले सुर्य टोबालाई एक हप्ता भित्र कारबाहीको दायरामा ल्याउने बताएकी हुन् ।

उनले सुर्ती जन्य पदार्थको विक्रिमा १७ प्रतिशत कर लगाउने बारे पनि अर्थमन्त्रालय लाई पत्राचार गरिने पनि बताइन् ।
राज्यमन्त्री अर्यालले स्वास्थ्य मन्त्रालयमा सुर्तीजन्य पदार्थ लैजान रोक लगाउने काम सुरु भईसकेको र सरकारसंग छलफल गरि सोही व्यवस्था अन्य मन्त्रालयमा पनि लागु गरिने बताइन् ।

उनले आफ्नो मन्त्रालयबाट सुरु गरेको काम अब बीर अस्पतालमा पनि लागु गर्ने बताइन् । उनले अस्पताल आगाडिका पसलबाट सुर्तीजन्य पदार्थ लाई नै हटाउने उद्घोष गरिन् ।