सर्लाही, २५ वैशाख । राष्ट्रिय तेल बाली अनुसन्धान केन्द्र नवलपुरले आफ्नौ २७औं (नार्क) स्थापना दिवस आज विविध कार्यक्रम गरी मनाएको छ ।

केन्द्रका प्रमुख विशेश्वर यादवको अध्यक्षता तथा लालबन्दी नगरपालिका २ का वडा अध्यक्ष किरण पासवानको प्रमुख आतिथ्यतामा नवलपुर स्थित तेलवाली अनुसन्धान केन्द्रकै परिसरमा स्थापना दिवस मनाएको हो ।

सो अवसरमा कार्यालय परिसरमा विभिन्न जातका १५० विरुवा रोपिनु को साथै अन्तरक्रिया कार्यक्रम गरिएको छ ।

अन्तरक्रिया कार्यक्रममा पछिल्लो समय यूवाहरु विदेश पलायन भई रहेको र उनीहरुलाई कृषिमा आकर्षण गराउन नसकिएकोले त्यसतर्फ अनुसन्धान केन्द्र र सरकारले ध्यान दिनुपर्ने बताएका छन् । त्यसका लागि कृषिमा वैज्ञानिकिकरण र यान्त्रिकीकरणको आवश्यकता रहेकोमा बक्ताहरुले जोड दिएका छन् ।

विदेशीएका यूवाहरुलाई कृषिमा आकर्षित गर्दै कृषि क्षेत्रमा लगाउन सके कृषि उत्पादनमा वृद्धि भई आत्मनिर्भर बन्न सकिने उनीहरुले धारणा राखेका हुन् ।

कृषि क्षेत्रमा युवाहरुलाई आकर्षित गर्न र कृषि पेशामा लगाउन सके लाखौ रुपैया खर्चेर खाडी मुलुकमा पसिना बगाउनुभन्दा आफ्नै जन्म भुमीमा श्रम गरेमा कृषि खाध्यन्न आयातको नाममा करोडौ रुपैया नेपालबाट बाहिरिने क्रमलाई रोक्न सकिने हुदा त्यसतर्फ सबैले हातेमालो गरे देशमै सुन फलाउन सकिने बताएका छन।

कार्यक्रममा उष्ण प्रदेशिय वागवानी केन्द्रका प्रमुख भाग्य नारायण झा, घाँसे वाली तथा पशु चरण आहार केन्द्रका प्रमुख उपेन्द्र कुमार सिंह, कृषि यन्त्र परिक्षण तथा अनुसन्धान केन्द्रका ईन्जिनियर रामनाथ झा, ईलाका प्रहरी कार्यालय नवलपुरका प्रमुख मेग्जन लामा, संचारकर्मी प्रेमनाथ पौडेल लगायतले मन्तव्य राख्नु भएको केन्द्रका प्राविधिक राम्जी प्रसाद पोख्रेलले जानकारी दिनुभयो ।