अछाम, २ जेठ । सॉफेबगर नगरपालिकामा बसोबास गर्दे आएका बादी समुदायको जिवनशैली फेरीदै गएको छ ।
सुल्पा, मादल बनाएर गाउ‘ गाउ‘मा बेच्ने र नाचगान गरेर जिविको पार्जन गर्दे आएका बादी समुदायले पहिले गर्दै आएको पेशा परिर्वतन गरेका छन् ।

साँफेबगर नगरपालिका ४ मष्टामाण्डौंमा बसोबास गर्दै आएका उनीहरु अहिले ब्यापार र कुखुरा पालन तर्फ आर्कषित भएका छन् । साँफेबगर नगरपालिका वडा नम्बर ४ ले बादी समुदायका दुई परीवारलाई ५०\५० हजार सहयोग प्रदान गरेपछी उनीहरुले आफूले पहिले गर्दै आएको भन्दा फरक पेशा अंगालेका छन् ।

बादी समुदायका एक जना रमेश बादीले पसल सञ्चालन गरेका छन् भने शान्ता बादीले कुखुरा पालन पाल्न थालेकि छिन् । बादी समुदाय भन्ना साथ नाचेर, मागेर खानुपर्छ अरु ब्यवसाय गर्नु हुन्न भन्ने सोचको अन्त्य गर्न आफुले खुद्रा ब्यापार सुरु गरेको रमेश बादीले बताए। ‘पहिलेको जस्तो मागेर खाने अवस्था छैन रमेश बादीले भने मागेर अब सबैले दिदैनन् । सुल्पा मादल पनि पहिलेको जस्तो बिक्रि हुदैन । जिवन धान्नको लागी ब्यापार सुरु गरेको छु ।’

अल्प संख्यका रुपमा रहेको बादी समुदायको आर्थिक स्थिती माथि उकास्न, जिबिको पार्जन र आयआर्जनका लागी सहयोग प्रदान गरीएको साँफेबगर नगरपालिका वडा नम्बर ४ मष्टामाण्डौँका वडा अध्यक्ष बालगिरी कुवरले बताए ।
अल्पसंख्यकको रुपमा चिनिने बादी समुदायका २ परीवार सॉफेबगर नगरपालिका वडा नम्बर ४ मष्टामाण्डौमा बिगत ३ दशक देखि बसोबास गर्दे आएका छन् ।